Մեր ճամփորդությունը կսկսենք հարավային Նորվեգիայի գեղեցիկ տեսարաններով։ Կքայլենք ջրվեժների մոտով՝ շնչելով լեռնային թարմ օդն ու հիանալով ֆյորդերի տեսարաններով։

Գիշերակաց: Օդդա
Քայլարշավ: 2 կմ
Հարաբերական բարձրություն: 100 մ
Տրանսֆեր: 344կմ (~5 ժամ)

Երկրորդ օրը կքայլենք դեպի Տրոլտունգա՝ Նորվեգիայի ամենահայտնի ժայռերից մեկը։ Ձորերով ու սառցադաշտերի կողքով անցնելով՝ կտեսնենք այնպիսի անմոռանալի տեսարաններ, որոնք ընդմիշտ կմնան մեր հիշողության մեջ։

Գիշերակաց: Օդդա
Քայլարշավ: 27 կմ
Հարաբերական բարձրություն: 1100 մ
Տրանսֆեր: 7 կմ

Այսօր մեքենայով կգնանք դեպի հարավ-արևմուտք՝ գեղատեսիլ ճանապարհներով։ Կանգ կառնենք մի քանի հայտնի ջրվեժների մոտ։
Հանգիստ կզբոսնենք գետերի ու ֆյորդերի ափերով՝ զգալով Նորվեգիայի բնության ողջ շքեղությունը։

Գիշերակաց: Ստավանգեր
Քայլարշավ: 3 կմ
Հարաբերական բարձրություն: 100 մ
Տրանսֆեր: 320 կմ (~6 ժամ)

Կբարձրանանք Քերագբոլտեն, որը գտնվում է ֆյորդի հենց վերևում։
Հիանալի տեսարաններն ու բարձր ժայռերը այս օրը կդարձնեն իսկապես անմոռանալի։

Գիշերակաց: Ստավանգեր
Քայլարշավ: 8 կմ
Հարաբերական բարձրություն: 600 մ
Տրանսֆեր: 50 կմ (~1ժամ)

Առավոտյան կբարձրանանք Պրեյքեստոլեն՝ վայելելու Լյուսեֆյորդի հիասքանչ տեսարանը։
Իսկ կեսօրին կբացահայտենք ծովափնյա գեղեցիկ վայրերն ու ֆյորդերի տեսարանները։

Գիշերակաց: Բերգեն
Քայլարշավ: 10 կմ
Հարաբերական բարձրություն: 350 մ
Տրանսֆեր: 210 կմ (~4 ժամ)

Առավոտյան Բերգենից կմեկնենք Սվոլվաեր:
Հարմարավետ տնակներում տեղավորվելուց հետո կունենանք ազատ ժամանակ զբոսնելու, երեկոն վայելելու և հյուսիսափայլով հիանալու համար։

Գիշերակաց: Լոֆոտեն
Քայլարշավ: Կարճ քայլարշավ ծովի ափով (1–2 կմ)
Հարաբերական բարձրություն: 50 մ
Ներքին թռիչք: Բերգեն → Սվոլվաեր (~5 ժամ 30 րոպե)

Առավոտյան քայլարշավ դեպի Ռեյնեբրինգեն, որտեղից բացվում է Լոֆոտենի սարերի ու ֆյորդերի հիանալի տեսարանը։
Հետո կքայլենք դեպի Ռյուտեն ու Կվալվիկա լողափ. այստեղ բարձր ժայռերը հանդիպում են ծովի կապույտ ջրերին։
Եթե երկինքը պարզ լինի, օրը կավարտենք հյուսիսափայլով։

Գիշերակաց: Լոֆոտեն
Քայլարշավ: 4-5 կմ
Հարաբերական բարձրություն: 450 մ
Տրանսֆեր: 20 կմ (~30 րոպե)

Այսօր կայցելենք Լոֆոտենի գեղեցիկ ձկնորսական գյուղերը, օրինակ՝ Նուսֆյորդը, Հենինգսվերը և Å-ն։
Կզբոսնենք ֆյորդի ափով, փոքրիկ խանութներով ու կծանոթանանք տեղացիների կյանքին։
Իսկ երեկոյան, ևս մեկ անգամ կվայելենք հյուսիսափայլը։

Գիշերակաց: Լոֆոտեն
Քայլարշավ: 3-4 կմ
Հարաբերական բարձրություն: 150 մ
Տրանսֆեր: 50 կմ (~1 ժամ)

Նախաճաշից հետո կուղևորվենք դեպի Օսլո, այնուհետև կմեկնենք Երևան։

Այս տուրի ընթացքում տեսած գեղեցիկ ֆյորդերը, գեղեցիկ ժայռերն ու Արկտիկայի հրաշքները հավերժ կմնան մեր հուշերում։

Ներքին թռիչք: Սվոլվաեր → Օսլո (~4 ժամ 40 րոպե)

Տրանսֆեր: 5 կմ