Օդանավակայանում մեզ կդիմավորեն տեղացի ուղեկցորդները, ովքեր մեզ կնվիրեն ավանդական սպիտակ խաթա շարֆ՝ որպես ողջույնի նշան։
Այնուհետև կտեղափոխվենք հյուրանոց՝ հանգստանալու համար։
Կեսօրից հետո կսկսենք բացահայտել Լհասան։ Կայցելենք Ջոխանգի տաճար՝ տիբեթյան բուդդիզմի կարևորագույն սրբավայրերից մեկը, ապա կզբոսնենք Բարկհորի փողոցում՝ ծանոթանալով տեղացիների կյանքին և ավանդույթներին։
Կայցելենք նաև հին թեյարան, որտեղ կհամտեսենք տիբեթյան քաղցր թեյ և լապշայով ապուր։
Երեկոյան մեզ սպասում է ավանդական տիբեթյան ընթրիք՝ տեղական ուտեստներով, ազգային երգ ու պարով։ Այնուհետև կվերադառնանք հյուրանոց։

Տրանսֆեր։ 2 ժամ (85 կմ)
Քայլարշավ։ մոտ 3-4 կմ՝ տաճարի տարածքում և հին քաղաքում
Բարձրությունը ծովի մակարդակից։ Գոնգգարի օդանավակայան (3 570 մ) → Լհասա (3 650 մ)
Գիշերակաց։ Լհասայում՝ ավանդական տիբեթյան ոճով հյուրանոցում

Առավոտյան կմեկնենք Լհասայի մոտակայքում գտնվող լեռնային ֆերմա՝ ծանոթանալու տեղի գյուղական կյանքին։ Կծանոթանանք յակերի՝ Տիբեթի լեռնային շրջանների համար շատ կարևոր կենդանիների, և անասնապահության ավանդույթներին։
Տեղի հովիվների օգնությամբ կփորձենք կթել յակի, կհամտեսենք յակի տաք կաթ, թարմ յոգուրտ և այլ կաթնամթերք։ Կեսօրին տեղացի ընտանիքի տանը կհամտեսենք ավանդական ճաշատեսակներ, որոնք բնորոշ են լեռնային շրջանների բնակիչներին։
Ավելի ուշ կվերադառնանք Լհասա և կայցելենք Սերա վանք, որտեղ իրականանում է վանականների բանավեճեր՝ բուդդայական փիլիսոփայության շուրջ։
Երեկոյան կայցելենք Նինիի տիբեթյան մշակութային ժառանգության կենտրոն։ Այստեղ կծանոթանանք ավանդական արվեստներին՝ կփորձենք տհանգկա նկարել հանքային ներկերով, փայտե տախտակներով տպագրություն անել և պատրաստել տիբեթյան բնական խունկ։

Տրանսֆեր։ 60 կմ (մոտ 1,5 ժամ)
Բարձրություն ծովի մակարդակից։ Լհասա և շրջակայք՝ 3 650–3 700 մ
Գիշերակաց։ Լհասայում՝ ավանդական տիբեթյան ոճով բուտիկ հյուրանոցում

Այսօր կայցելենք Դրեպունգի վանք՝ տիբեթյան բուդդիզմի Գելուգ դպրոցի կարևորագույն վանքերից մեկը։ Կզբոսնենք լեռան լանջին կառուցված սպիտակ շինություններում և կծանոթանանք վանքի պատմությանն ու վանականների առօրյային։
Այնուհետև կայցելենք ՅՈՒՆԵՍԿՕ-ի համաշխարհային ժառանգության ցանկում ընդգրկված Պոտալա պալատը՝ կբացահայտենք դրա պատմությունը, ճարտարապետությունը, արվեստն ու նշանակությունը տիբեթյան մշակույթի համար։

Տրանսֆեր։ 25 կմ
Քայլք։ 3-4 կմ
Բարձրություն ծովի մակարդակից։ Լհասա՝ 3650 մ
Գիշերակաց։ Լհասայում՝ ավանդական տիբեթյան ոճով բուտիկ հյուրանոցում

Այսօր անցնելու ենք Գամպա Լա լեռնանցքով, որտեղից բացվում է Յամդրոկ լճի փիրուզագույն ջրերի հիասքանչ տեսարանը։
Այնուհետև կիջնենք լճի ափին գտնվող գյուղերից մեկը, կայցելենք տեղացիների տուն և կհամտեսենք տեղական ուտեստներ։
Յամդրոկ լճի ափին մեզ սպասում է նաև յուրահատուկ փորձառություն՝ ձիավարություն՝ շրջապատված սրբազան լճով և ձյունածածկ լեռներով։
Այնուհետև կշարունակենք ճանապարհը դեպի Կարոլա սառցադաշտ՝ վայելելու նրա գեղեցկությունը, իսկ երեկոյան կհասնենք Գյանձե քաղաք։

Տրանսֆեր։ 290 կմ (մոտ 6,5 ժամ)
Քայլք՝ 1–2 կմ
Բարձրություն ծովի մակարդակից։ 3 650 մ → Գամպա Լա լեռնանցք (4 998 մ) → Յամդրոկ լիճ (4 440 մ) → Կարոլա սառցադաշտ (5 020 մ) → Գյանձե (3 980 մ)
Գիշերակաց։ Գյանձեում՝ ավանդական տիբեթյան ոճով հյուրանոցում

Առավոտյան կայցելենք Գյանձեի Պելկոր Չոդե վանքը և նրա հայտնի Կումբում ստուպան։ Կհիանանք վանքի և ստուպայի յուրահատուկ ճարտարապետությամբ ու պահպանված ավանդական որմնանկարներով։
Այնուհետև կմեկնենք Շիգացե՝ Ցանգ շրջանի գլխավոր քաղաքը, որտեղ կայցելենք Տաշիլհունպո վանք՝ ծանոթանալու դրա հարուստ պատմությանն ու մշակութային նշանակությանը։
Կեսօրից հետո կայցելենք տհանգկա արվեստի պատկերասրահ՝ մոտիկից դիտելու Ցանգի ոճով ստեղծված ավանդական նկարները և ծանոթանալու դրանց ստեղծման տեխնիկային ու արվեստի պատմությանը։

Տրանսֆեր։ 95 կմ (մոտ 2 ժամ)
Քայլք։ 3 կմ՝ վանքերի տարածքում և արահետներով
Բարձրություն ծովի մակարդակից։ Գյանձե (3 980 մ) → Շիգացե (3 840 մ)
Գիշերակաց։ Շիգացեում՝ ավանդական տիբեթյան հյուրանոցում

Առաջին կանգառը կլինի Լհացե քաղաքում, որտեղ կայցելենք տիբեթյան դանակների ավանդական արհեստանոց։ Այստեղ կծանոթանանք մետաղի դարբնման հին տեխնիկային, որոնք մինչ օրս պահպանվել են Արևմտյան Տիբեթում։
Այնուհետև կշարունակենք ճանապարհը գեղատեսիլ G318 մայրուղով՝ անցնելով Գյացո Լա և Գաուլա լեռնանցքներով։ Եթե եղանակը բարենպաստ լինի, դիտակետից կբացվեն Հիմալայների մի քանի՝ 8 000 մետրից բարձր գագաթների տպավորիչ տեսարանները։
Երեկոյան կայցելենք Ռոնգբուկի վանքը և Էվերեստի բազային ճամբարը՝ վայելելու հսկայական լեռան մայրամուտը։ Եթե երկինքը պարզ լինի, գիշերը կկարողանանք հիանալ բարձր լեռնային շրջանի աստղազարդ երկնքով։

Տրանսֆեր։ 340 կմ (մոտ 7 ժամ)
Քայլք։ 1-2 կմ՝ դիտակետերով և գեղատեսիլ արահետներով
Բարձրություն ծովի մակարդակից։ 3 840 մ → Գյացո Լա լեռնանցք (5 248 մ) → Գաուլա լեռնանցք (5 198 մ) → Էվերեստի բազային ճամբար (5 000–5 200 մ)
Գիշերակաց։ Էվերեստի բազային ճամբարում

Առավոտյան, եղանակային լավ պայմանների դեպքում, կվայելենք Էվերեստ լեռան հիասքանչ տեսարանները։
Այնուհետև կլքենք Էվերեստի տարածքը և կշարունակենք ճանապարհը դեպի արևմուտք՝ անցնելով Պեյկու լճի կողքով։ Բարենպաստ եղանակի դեպքում կտեսնենք նաև Շիշապանգմա լեռը։
Ճանապարհին լանդշաֆտն աստիճանաբար կփոխվի․ Լհասայի հովիտներին կփոխարինի Արևմտյան Տիբեթի ընդարձակ ու յուրահատուկ բարձրավանդակը։ Ճանապարհային պայմաններից կախված՝ կանգառներ կանենք տերբեր վայրերում՝ հանգստանալու և շրջակա բնությունը վայելելու համար։
Երեկոյան կհասնենք Սագա քաղաք։

Տրանսֆեր։ 330 կմ (մոտ 6,5 ժամ)
Քայլք։ կարճ զբոսանքներ գեղատեսիլ դիտակետերում
Բարձրություն ծովի մակարդակից։ Էվերեստ (5 000 մ) → Պեյկու լիճ (4 590 մ) → Սագա (4 450 մ)

Գիշերակաց։ Սագայում՝ ավանդական տիբեթյան ոճով հյուրանոցում

Կշարունակենք ճանապարհը G219 ազգային մայրուղով՝ դեպի Արևմտյան Տիբեթի Ալի բարձրավանդակ։ Ճանապարհին կանցնենք Չժունգբա բնակավայրով՝ շարժվելով դեպի սրբազան Կայլաս լեռ։
Եթե ճանապարհային և եղանակային պայմանները թույլ տան, կանգառներ կանենք՝ հանգստանալու և վայելելու Արևմտյան Տիբեթի ընդարձակ բնությունը, ճահճուտները, ձյունածածկ լեռներն ու բարձրադիր լճերը։
Մանասարովար սրբազան լճի ափին կմասնակցենք օրհնության արարողության և կհիանանք հեռվում երևացող Կայլաս լեռան տեսարանով։
Երեկոյան կհասնենք Դարչեն՝ Կայլաս լեռան ստորոտում գտնվող բնակավայր։
Այստեղ կստուգենք հաջորդ առավոտ մեկնարկող եռօրյա կորայի՝ լեռան շուրջ ուխտագնացության համար անհրաժեշտ սարքավորումները, հագուստն ու պարագաները։

Տրանսֆեր։ 490 կմ (մոտ 8,5 ժամ)
Քայլք։ մոտ 2 կմ՝ լճի ափով
Բարձրություն ծովի մակարդակից։ Սագա (4 450 մ) → Մանասարովար լիճ (4 588 մ) → Դարչեն (4 575 մ)
Գիշերակաց։ Դարչենում՝ Կայլաս լեռան ստորոտում գտնվող ավանդական տիբեթյան հյուրատանը

Կորայի առաջին օրը աստիճանաբար կբարձրանանք Լհա Չու հովտով՝ վայելելով Կայլաս լեռան արևմտյան և հյուսիսային լանջերի տեսարանները։ Ճանապարհին կհանդիպենք բազմաթիվ ուխտավորների, որոնք նույնպես անցնում են այս սրբազան ուղին։
Երեկոյան կայցելենք Դիրապուկի վանք՝ դիտելու, թե ինչպես են արևի ճառագայթները լուսավորում Կայլաս լեռան հյուսիսային լանջը։

Տրանսֆեր։ մոտ 15 րոպե
Արշավի հեռավորություն։ 20 կմ (մոտ 6–7 ժամ)
Բարձրություն ծովի մակարդակից։ Դարչեն (4 575 մ) → Աղոթքի դրոշների հրապարակ (4 730 մ) → Դիրապուկի վանք (4 920 մ)։ Բարձրության ընդհանուր ավելացումը՝ մոտ 345 մ։
Գիշերակաց։ տեղական հյուրատանը

Սա կորայի ամենադժվար և հոգևոր առումով ամենակարևոր օրն է։
Բարձրադիր լեռնային արահետով կբարձրանանք Դոլմա Լա լեռնանցք (5 630 մ), որը զարդարված է բազմաթիվ գունավոր աղոթքի դրոշներով։ Այնուհետև կիջնենք ներքև՝ անցնելով սրբազան Գաուրի Կունդ լճի՝ Գթասրտության լճի կողքով։ Երեկոյան կհասնենք Զուտուլպուկի վանք։

Տրանսֆեր։ 0 կմ
Արշավի հեռավորություն։ 18 կմ (մոտ 7–8 ժամ քայլք)
Բարձրություն ծովի մակարդակից։ Դիրապուկ (4 920 մ) → Դոլմա Լա լեռնանցք (5 630 մ) → Գաուրի Կունդ լիճ → Զուտուլպուկի վանք (4 790 մ)։ Բարձրության ընդհանուր ավելացումը՝ 710 մ, իջեցումը՝ 840 մ։
Գիշերակաց։ տեղական հյուրատանը

Սա Կայլաշ լեռան շուրջ եռօրյա կորայի վերջին օրըն է։
Արշավի ավարտին կվերադառնանք Դարչեն, որտեղ մեզ կսպասի վարորդը։
Հյուրանոց հասնելուց հետո կունենանք ժամանակ հանգստանալու, ցնցուղ ընդունելու և հանգստանալու համար։

Տրանսֆերներ։ Զոնգդույից Դարչեն՝ գեղատեսիլ ճանապարհով
Քայլարշավի հեռավորությունը։ 14 կմ
Բարձրությունը ծովի մակարդակից։ Զուտուլպուկ (4 790 մ) → Զոնգդույ (4 610 մ) → Դարչեն (4 575 մ) / Պուլան (4 250 մ, եթե նախատեսված է ծրագրով)։
Գիշերակաց։ հարմարավետ տեղական հյուրանոցում՝ Դարչենում կամ Պուլանում

Այսօր կգնանք Ալի Պուլանի օդանավակայան և կմեկնենք դեպի Լհասայի Գոնգար օդանավակայան։
Լհասա ժամանելուց հետո կգնանք Գոնգար օդանավակայան։
Այսպիսով կավարտվի Տիբեթով 12-օրյա ճանապարհորդությունը, որի ընթացքում կբացահայտեք Էվերեստը, սրբազան լեռն ու լիճը և կանցնեք Կայլաս լեռան շուրջ արշավական ուղին։

Թռիչքի երթուղի։ Ալի Պուլանի օդանավակայան (APJ) → Լհասայի Գոնգար օդանավակայան (LXA), մոտ 2 ժամ։
Բարձրությունը ծովի մակարդակից։ Պուլան (4 250 մ) → թռիչքի բարձրություն → Գոնգար օդանավակայան (3 570 մ) → մայրցամաքային Չինաստանի ավելի ցածրադիր քաղաքներ։