Ձեր առաջին արշավի համար ընտրեք այնպիսի վայր, որտեղ կան լավ գծանշված և

ապահով արահետներ։

Ահա մի քանի հարմար տարածաշրջան սկսնակների համար․

• Ալպեր (Ֆրանսիա, Իտալիա, Շվեյցարիա)
• Պատագոնիա (Արգենտինա, Չիլի)
• Ճապոնիա
• Թաիլանդ կամ Վիետնամ

Խորհուրդ

Կարդացեք երթուղիների մասին եղած վերջին նորությունները, ուսումնասիրեք այլ արշավականների գրած կարծիքները, իսկ եթե չեք կողմոնորշվում ապա ընտրեք

խմբային տուր։

Նաև խորհրդակցեք տեղացի գիդերի հետ ավելի ճշգրիտ ինֆորմացիայի համար։

Մի՛ կարծեք, որ «միջին բարդության» արշավը հեշտ կլինի։ Բարդության մակարդակները կարող են տարբեր լինել կախված երկրներից և տեղանքից։

Ինչին է պետք ուշադրություն դարձնել

• Ընդհանուր երկարությանը և բարձրությանը
• Միջին տևողությանը
• Արահետի պայմաննին և եղանակին
• Ջրի և հանգստի վայրերի առկայությանը
• Հատուկ թույլտվությունների, մուտքի վճարների կամ ուղեկցորդի անհրաժեշտությանը

Նաև կարևոր է ճշտել, արդյոք այդ տարածքում գործում է բջջային կապ՝

արտակարգ իրավիճակների համար։

Սկսնակ արշավականների մոտ տարածված սխալներից մեկը չափազանց շատ իրեր

կամ սխալ սարքավորումներ վերցնելն է։

Անպայման պետք է ունենալ

• Հարմարավետ արշավական կոշիկներ (նախօրոք մի քանի անգամ հագած)
• Թեթև ուսապարկ
• Շերտավոր հագուստ (բազային շերտ, ֆլիս, անձրևապաշտպան)
• Ջրի շիշ
• Սնունդ
• Արևապաշտպան քսուք, գլխարկ, արևային ակնոցներ
• Դեղատուփ
• Քարտեզ կամ GPS սարքավորում

Կարող եք վերցնել նաև

• Արշավական ձեռնափայտեր
• Մարտկոց (Power bank)
• Անջրանցիկ պայուսակ էլեկտրոնիկայի համար
• Թեթև սրբիչ

Նույնիսկ «պարզ» արշավը կարող է հոգնեցուցիչ լինել, հատկապես՝ ժամային գոտու փոփոխության, նոր տեղանքի և բարձրության տարբերությունների պատճառով։

Ինչպես պատրաստվել

• Մի քանի շաբաթ առաջ սկսեք ավելի շատ քայլել կամ արշավել
• Քայլեք ծանր ուսապարկով
• Մարզեք ոտքերը և մեջքը
• Նախապես հագեք այն հագուստը և կոշիկները, որոնք պլանավորում եք հագնել
• արշավի ժամանակ

Արտասահմանում արշավելու ընթացքում դուք ոչ միայն կվայելեք ժամանակը բնության գրկում, այլ նաև կծանոթանաք տեղաբնակների հետ և կուսումնասիրեք տեղի մշակույթը։

Բայց մի մոռացեք անվտանգության մասին։

Հիմնական անվտանգության կանոնները

• Քայլեք լավ գծանշված արահետներով
• Ինչ-որ մեկին նախօրոք տեղեկացրեք ձեր երթուղու մասին
• Միշտ կիսվեք ձեր գտնվելու վայրով ինչ-որ մեկի հետ
• Մի արշավեք միայնակ, եթե սկսնակ եք
• Ուշադիր եղեք եղանակային պայմաններին
• Հետևեք տեղական օրեքներին և ավանդույթներին

Ոչ ոք միանգամից փորձառու արշավական չի դառնում։ Յուրաքանչյուր արշավական ունի պատմություններ իր առաջին արշավներից, որոնք լի են սխալներով, ծիծաղելի պահերով

և կարևոր դասերով։

Կարևոր է մինչև արշավի գնալը լինել մի փոքր պատրաստված։

Իսկ գիտեի՞ք, որ արտերկրում արշավների կարող եք գնալ հայկական խմբով՝ հայ գիդի և

նաև տեղացի գիդի ուղեկցությամբ։ Այս տարբերակով դուք կզգաք ձեզ էլ ավելի հարազատ միջավայրում։

Այս պահին մեր սպասվող ուղղություններն են՝ Կամչատկա, Դոլոմիտներ, Ռիո դե Ժանեյրո

և Պատագոնիա։

Տուրերի մանրամասների հետ ծանոթանալու համար անցեք հղումով։