Երրորդ օրը կքայլենք դեպի Տոլբաչիկ հրաբուխ, որը հայտնի է իր վերջին ժայթքումներով։

Բարձրանալու ընթացքում կբացվեն անմոռանալի տեսարաններ դեպի մագմատիկ լանդշաֆտներ և խառնարաններ:

Այս վերելքը միջին բարդության է, այն ձեզնից կպահանջի մի փոքր ուժ և համբերություն։

Գիդի ուղեկցությամբ կկարողանաք ուսումնասիրել հրաբխային շրջանի տարբեր տարածքներ և տեսնել վերջին ժայթքումների հետքերը։

Այս օրը կլինի հատուկ նրանց համար, ովքեր փնտրում են նոր էմոցիաներ և ցանկանում են զգալ բնության ուժը՝ տարածաշրջանի ամենաակտիվ հրաբխի վրա:

Տոլբաչիկ հրաբխի բազային ճամբարից մինչև խառնարան երթուղու հեռավորությունը 17կմ է, հարաբերական բարձրությունը՝ 1100մ։

Կախված եղանակային պայմաններից և խմբի ֆիզիկական պատրաստվածությունից կարող ենք երթուղին շարունակել մինչև լեռան գագաթ (երթուղի 25կմ, հարաբերական բարձրություն՝ 1600մ)։

Տուրի չորրորդ օրը կնվիրենք լավայի դաշտերի և ժայթքման հետևանքների հետազոտությանը։

Կքայլենք լավայի դաշտերով, որոնք ձևավորվել են 2012-2013 թվականների ժայթքման արդյունքում։

Հաջորդիվ կուղևորվենք դեպի մեռած անտառ, որը գոյացել է 1975-1976 թվականների աղետալի ժայթքումներից։

Այս վայրը հիշեցնում է բնության կործանարար ուժի մասին, իսկ մոխրացած ծառերը կանգնած են որպես այդ իրադարձությունների լուռ վկաներ:

Այստեղ կունենանք եզակի հնարավորություն տեսնելու Կամչատկայի հրաբխային լանդշաֆտներն իրենց ապշեցուցիչ գեղեցկությամբ և հզորությամբ։

Տուրի վեցերորդ օրը ազատ օր է։ Այն կօգտագործենք եղանակային վատ պայմանների դեպքում կամ հանգստի համար։

Դուք կարող եք հանգստանալ, վայելել Կամչատկայի գեղեցկությունը, Պետրոպավլովսկ քաղաքը և ուսումնասիրել շրջակա տարածքը:

Զբոսնել, այցելել մշակութային վայրեր և ձկնամթերքի շուկա, ծանոթանալ ավանդույթների հետ։

Այս օրը կնավարկենք դեպի Զելենի հրվանդան կամ Ռուսկայա ծովածոց, որը համարվում է Կամչատկայի ամենագեղեցիկ և չբացահայտված վայրերից մեկը:

Նավարկության ընթացքում դուք կունենաք հնարավորություն իջնել ափ, շրջել այնտեղ՝ վայելելով անկրկնելի տեսարանները։

Կամչատկայի ջրերը հարուստ են կենդանական աշխարհով։ Այստեղ կարելի է հանդիպել սապատավոր կետերի, խոյադելֆինների, ծովային առյուծների և ձկների։

Տուրի ընթացքում կհամտեսենք համեղ ձկան ապուր և թարմ ծովամթերք՝ օրը էլ ավելի հաճելի դարձնելու համար:

Այս օրը հիանալի շանս կլինի Կամչատկայի վայրի բնությունը ուսումնասիրելու և ծովային բնակիչների հետ ծանոթանալու համար:

Այս օրը կգնանք դեպի Օպասնի կիրճ և Մուտնովսկի հրաբուխ:

Ճանապարհը կտևի մոտ 3 ժամ:

Ժամանելուն պես կունենանք կարճ քննարկում, որից հետո մեզ կտրամադրեն անհրաժեշտ սարքավորումները։

Երթուղին բարդ չէ և չի պահանջում լուրջ ֆիզիկական պատրաստվածություն։

Տուրի ընթացքում տեսնելու ենք հզոր հրաբխային լեռներ՝ ծխացող խառնարաններով, իսկ հետադարձի ճանապարհին՝ Սպոկոյնի ջրվեժը։

Օրվա կեսին՝ ճաշից հետո, կվերադառնանք քաղաք՝ լի վառ տպավորություններով և նոր բացահայտումներով։

Արկածներով ու տպավորություններով լի օրերից հետո գալիս է Կամչատկային հրաժեշտ տալու ժամանակը։

Մենք գնում ենք օդանավակայան՝ մեզ հետ տանելով Կամչատկայի ակտիվ հրաբուխների, հիանալի տեսարանների և վայրի բնության մասին վառ հիշողություններ։