Նախաճաշից հետո կշարժվենք դեպի Կարակոլի կիրճ, այնտեղից կսկսենք արշավը դեպի Ալա-Կոլ լիճ։

Ճանապարհը մեզ կտանի ծաղկած ալպիական մարգագետիններով, անտառներով և լեռներով:

Այս երթուղին բավականին դժվար է, սակայն ճանապարհին բացվող հիանալի տեսարանները կարդարացնեն մեր ջանքերը։

Այդ օրը մենք կգիշերենք լճի մոտ գտնվող բազային ճամբարի հյուրանոցում։

Չորրորդ օրը մենք կունենանք արշավ դեպի Ալթին Արաշան կիրճ, որը ղրղզերեն նշանակում է «ոսկե աղբյուր»:

Արշավից հետո կկարողանաք լողալ այնտեղ գտնվող տաք աղբյուրներում։

Այդ օրը մենք կգիշերենք ավանդական յուրտներում, որտեղ դուք կծանոթանաք իրական քոչվորական կյանքի հետ:

Այսօր մենք կվերադառնանք Բիշքեկ։ Ճանապարհի ընթացքում կայցելենք Օրտո Տոկոյ ջրամբար և Կոկ Մոինոկ կիրճ։

Երեկոյան Բիշքեկ հասնելուց հետո կտեղավորվենք հյուրանոցում, որից հետո կունենանք հրաժեշտի ընթրիք։

Նախաճաշից հետո կշարժվենք դեպի օդանավակայան՝ մեզ հետ տանելով անմոռանալի հուշեր այս ճամփորդությունից։