Արգենտինայում բնակվում է ողջ աշխարհում եղած հայկական սփյուռքի ամենամեծ խմբերից մեկը։ Ներկայումս այնտեղ ապրում է 150,000 հայ՝ որոնց մեծ մասը գալիս է Կիլիկիայից, Սիրիայից և Լիբանանից։

Առաջին պատմական հիշատակումները Լատինական Ամերիկայում բնակվող անհատ հայերի մասին սկսվում են 17-րդ դարից:

Արգենտինայում շատերին է հայտնի գեներալ Խուան Ցեթցի (Հովհաննես Ցեթցյան) անունը։ Հունգարական հեղափոխությանը, այնուհետև Ղրիմյան պատերազմին մասնակցելուց հետո, 1859 թ. նա ամուսնացել է Բուենոս Այրեսի նախկին նահանգապետ Ռոսասի զարմուհու հետ և բնակություն հաստատել Բուենոս Այրեսում:

Բարձր գնահատելով նրա գիտելիքներն ու փորձը ռազմագիտության ասպարեզում, Արգենտինայի նախագահը նրան է վստահել զինվորական կադրերի պատրաստումն ու ռազմական քոլեջի հիմնադրումը:

Մեծ Եղեռնի հետևանքով Թուրքիայից (Կիլիկիա և Իզմիր) ժամանող հայերի ներհոսքը մեծ թափ առավ։

Արգենտինահայ համայնքը սկսեց ձևավորվել 1980-ական թվականներին և ներգաղթը էլ ավելի մեծացավ Առաջին և Երկրորդ համաշխարհային պատերազմներից հետո, երբ վտանգվեց մեր հայրենակիցների կյանքը Թուրքիայում։

Արգենտինայում ապաստան գտած հայերը հիմնականում այնթապցիներ, հաճնցիներ ու մարաշցիներ էին, որոնք մեծ մասամբ բնակություն էին հաստատում Բուենոս Այրեսում, Կորդովայում, Ռոսարիոյում, Մար դել Պլատայում։

Նաև կան փոքրաթիվ հայկական համայնքներ Միսիոնես, Մենդոսա, Նեուկեն, Ռիո Նեգրո, Սանտա Կրուս նահանգներում:

Հայկական համայնքն այսօր ապրում է ակտիվ հասարակական-քաղաքական կյանքով:

Արգենտինայի շատ քաղաքներում կան հայկական տեղանուններով, նշանավոր հայերի անուններով փողոցներ, հրապարակներ։ Բուենոս Այրեսի հրապարակներից մեկը կոչվում է Հայաստան, մեկ ուրիշը՝ Արարատ, որտեղ կանգնեցված է Մեծ եղեռնի նահատակներին նվիրված հուշակոթող, Պալերմո թաղամասի Արմենիա փողոցում տեղադրված է Սարդարապատի հերոսամարտի հուշարձան-կոթողը։ Կորդովայում կա Հայաստանի Հանրապետության հրապարակ, կան նաև Արմենիա և Զորավար Անդրանիկ անուններով փողոցներ։

Արգենտինահայերը ապրում է աշխույժ հասարակական կյանքով։ Այստեղ գործում են բազմաթիվ մշակութային միություններ, օրինակ «Կոմիտաս» և «Արաքս» երգչախմբերը, «Գայանե» և «Նաիրի» պարի խմբերը։ Ճանաչված են հայ մշակույթի գործիչներ Լևոն Վարդապետյանը, Ժան Ալմուխյանը, Մարթա Վարդանյանը, Ալիսիա Թերզյանը, երգչուհիներ Վիկտորյա Սևանը, Էլիզ Տիգրանյանը, դաշնակահարուհի Անթառամ Ահարոնյանը, քանդակագործ Հակոբ Յարումյանը, գեղանկարիչներ Խորխե Դեմիրճյանը, Սարգիս Աշքյանը և շատ ուրիշներ։

Արգենտինայի Ազգային կոնգրեսի պատգամավորների զբոսաշրջության հարցերով մշտական հանձնաժողովի նախագահն է հայազգի միակ պատգամավոր Ալեխանդրո Բալյանը, իսկ զինվորական ակադեմիայի հիմնադիր տնօրենը՝ հայազգի Յանոշ Ցեցը։

Ցավոք սրտի, չհաջողվեց գտնել նրանց նկարները։

Բուենոս Այրեսում գործում են Սուրբ Գրիգոր Լուսավորիչ, Վարագա Սուրբ Խաչ, Սուրբ Պողոս-Պետրոս եկեղեցիները։ Արգենտինայի հայ համայնքի ձևավորմանը զուգընթաց՝ եկեղեցիներին կից ստեղծվել են մեկօրյա, ապա նաև ամենօրյա դպրոցներ։ Ներկայումս այնտեղ գործում են 10 ամենօրյա դպրոցներ։

Այստեղ հրատարակվում են «Սարդարապատ», «Նոր Սևան», «Արմենիա», «Նոր Հաճըն», «Հայ» պարբերականները։

Հայության մեծ մասը հայ առաքելական եկեղեցու հետևորդներ են։ Երկրում կան նաև հայ կաթոլիկ և ավետարանական համայնքներ։ Բուենոս Այրեսում գործում են Նարեկա Սուրբ Տիրամոր հայ կաթողիկե եկեղեցին, որի բակում 2015 թվականին կանգնեցվել է հայոց ցեղասպանության հուշարձան։

Հայ դիրիժոր, կոմպոզիտոր, դաշնակահարուհի, հասարակական գործիչ, երաժշտագետ, դասախոս։

Ծագումով հայ հայտնի արգենտինացի թենիսիստ։

Ալիսիա Գուրգենի Կիրակոսյան, հայ բանաստեղծուհի, ԱՄՆ իսպանախոս գրողների միության պատվավոր նախագահ, ՀՀ ԳԱԱ պատվավոր դոկտոր (2007)։